Punkt 1
Høyanger kyrkje stod klar i 1960, og er bygd i mur. Det var Norsk Aluminium Company (NACo) som betalte for kyrkja, inkludert tomta og totalfinansiering, som ei gåve til lokalsamfunnet i Høyanger. Kyrkja blei vigsla av biskop Ragnvald Indrebø og overlevert til kommunen 11. september 1960. Dåverande ordførar Albert Heller meinte gåva frå NACo var det største som hadde hendt i Høyanger sidan oppstarten av sjølve industrien.
Arkitektane bak er Arnstein Arneberg og Olav S. Platou. Arneberg står bak mange kyrkjer, mellom anna Volda kyrkje frå 1929. Arneberg spesialiserte seg på restaurering av kyrkjer, som Hamar domkirke og Oslo domkirke, men er kanskje mest kjend for å ha teikna Oslo Rådhus.